Çështja penale e grabitjes së Bankës së Shqipërisë, ndodhur përmbi një dekadë më parë, është mbyllur, por lufta civile për kthimin e një pjese të shumës së vjedhur vazhdon.
Dy gjykata civile kanë urdhëruar dy nga të akuzuarit, ish-punonjës të Bankës së Shqipërisë, që të kthejnë shumën e vjedhur prej 713 milionë lekësh.
Ish-përgjegjësi i arkës stok, Ardian Bitraj, dhe ish-specialistja Mimoza Bruzia kundërshtojnë detyrimin për të kthyer paratë nga vjedhja e Departamentit të Emisionit të Bankës së Shqipërisë.
Të dy ata thonë që paratë ishin të dëmtuara dhe duhet të zbresë prej andej një shumë prej 143 milionë lekësh.
Në procesin penal pas grabitjes së zbuluar në 2014, dy të pandehurit u dënuan me gjykim të shkurtuar, Bitraj me 13 vite burgim dhe Bruzia me 10 vjet burgim.
Ndërkohë, në një proces të veçuar, ish-guvernatori u shpall unanimisht i pafajshëm, madje u dëmshpërblye nga Gjykata Administrative për “dëmin moral” dhe largimin nga detyra.
Bitraj tregoi në atë kohë se paratë i përvetësoi gjatë 2010-s, dhe se i mbushte arkat e boshatisura me libra që të humbiste gjurmët, duke ruajtur peshën.
Banka e Shqipërisë ishte palë në proces dhe më pas nisi gjykimin civil, ndonëse i dyshuari insistoi se i kishte humbur të gjitha paratë në loto dhe kazino.
Gazetarja Anila Hoxha raporton se Gjykata e Lartë nuk ka caktuar ende një datë dhe as trupë gjyqësore.
Passkandalit të lirimit të Erik Fullanit pasi u kap me armë në makinë në ish Bllok, qëndron oligarku pranë pushtetit Artan Dulaku, një nga përfituesit më të mëdhenj të parave dhe pasurive publike, duke iu lëpirë natë e ditë Edi Ramës me televizionin e tij periferik Vizion Plus.
Artan Dulaku ka mbuluar me një kompani të tij security pajisjen me pistoletë tip “Glock” të Erik Fullanit, djali i ish-guvernatorit të Bankës së Shqipërisë, Ardian Fullani si dhe e ish anëtares së Gjykatës së Lartë Arjana Fullani, çift me lidhje të forta klienteliste me Ilir Metën, Sali Berishën, pushtetin gjyqësor dhe oligarkinë.
Themi mbuluar pasi Erik Fullani, në përpjekjet e tij për t’u bërë i fortë, është pajisur me armë nga kompania Safe Security Albania, gjoja si punonjës i kësaj kompanie.
Kush mund ta besojë se Erik Fullani do të përfundonte duke punuar si roje me rrogë 400 USD në muaj, kur ai fshin ballin me 500 euroshe?!
Kemi të bëjmë thjeshtë me një marifet kriminal për të pajisur me armë personazhe që lundrojnë në para korrupsioni dhe duan të bëhen të fortë.
Pas kompanisë Safe Security Albania qëndron Artan Dulaku. Safe Security Albania (J72207013A) është në pronësi të kompanisë CONCORD INVESTMENT (K81602049K) me bashkëpronar Tan Dulakun.
Ky rast tregon edhe një herë kapjen e shtetit nga karteli i oligarkëve dhe korrupsionit tē Tiranës.
Edhe pse formalisht, Fullani mund t’i ketë bërë letrat si roje pranë kompanisë së Dulakut, leja nuk përfshin shëtitjen me armë nëpër Tiranë.
Por, si policia, ashtu edhe prokuroria janë kapur nga karteli i lartpërmendur, duke treguar pafuqi për të hetuar dhe zbatuar ligjin njëlloi për të gjithë.
Po kë do të ruante Erik Fullani?
Po a është një rast i izoluar i pajisjes së Erik Fullanit me armë, apo Artan Dulaku mbulon me armatim grupe kriminale që t’i shpëtojnë veprimit të ligjit?