Anëtari i Partisë Demokratike, Ibsen Elezi tha në një intervistë për Euronews Albania se PD ka frikë të bëjë protesta sepse ka abuzuar me to.
“Ajo çfarë opozita ka humbur me veprimtarinë e saj politike është mjeti më i fortë. Në raste të tilla ka reagim popullor, kur një kryeministër implikohet dhe reagimin popullor opozita e ka shumë të vështirë për ta realizuar për shkak të humbjes së besueshmërisë,” – tha Elezi.
Sipas tij faktet që zotëron Berisha mund t’ia japë kujtdo deputeti për t’u ballafaquar në parlament duke qenë se ai vetë është i përjashtuar.
“Nëse Partia Demokratike ka mbetur te Sali Berisha që po s’doli Sali Berisha të paraqesë fakte mbaroi parlamenti, atëherë Sali Berisha e ka kthyer partinë në inekzistente,” – u shpreh Elezi.
