Instituti i Gjeoshkencave (IGJEO) informoi se sot mund të ketë vërshime të shpejta të lumenjve të vegjël malorë dhe rrëshqitje të dherave në qarqet Shkodër Kukës, Dibër, Lezhë, Durrës, Tiranë, Elbasan, Fier, Vlorë dhe Gjirokastër. Në zonat urbane, në këto qarqe mund të shfaqen probleme me përmbytje të lokalizuara, në varësi të gjëndjes së kanalizimeve.
Sipas llogaritjeve hidrologjike të IGJEO-s, si rezultat i reshjeve të rëna me intensitet të lartë ditën e djeshme, pritet që sot të ketë rritje të prurjeve dhe niveleve në të gjithë lumenjtë.
Rrezik të shtuar për përmbytje lokale do të kenë lumenjtë Ishëm, Erzen, Mat, lumi Vjosa. Lumi Drin-Buna dhe liqeni i Shkodrës do të ketë rritje të prurjeve dhe niveleve dhe rrezik të shtimit të sipërfaqeve të përmbytura në zonën e Nënshkodrës.
Gjithashtu priten reshje dëbore në zonat në veri, lindje dhe juglindje në territorit. Reshjet e dëborës do të pasohen nga ulja e ndjeshme e temperaturave dhe ngricat mund të krijojnë probleme të ndryshme dhe vështirësi në transportin rrugore.
Sot priten reshje mesatare deri lokalisht intensive në qarqet Shkodër dhe Elbasan, ndërsa në qarqet e tjerë priten reshje mesatare. Reshjet priten të shoqërohen me shtrëngata.
Në lartësitë mbi 600 m mbi nivelin e detit në veri, lindje dhe juglindje reshjet do të jenë në formë dëbore.
Temperaturat minimale dhe maksimale të ajrit pritet të arrijnë, në bregdet: 9/10 °C; në vendet e ulëta: 8/9 °C dhe në vendet malore: -2/0 °C.
Era pritet të fryjë mesatare deri e fortë në bregdet dhe në zonat malore.
j.l./ dita
Në gjithë kët përshesh fjalësh dominojnë skepticizma si MUND, PRITET, MENDOHET.
Institutet japin informacione preçize, të prera, e të padiskutueshme.
Hiqjani emërtimin qesharak instituti i gjeoshkencave dhe vërjani bretkockat e parashikimit të motit.
E dini si e duan gjithë këta militantë qylaxhinj që ushqehen nga paratë e taksapaguesit?
Këta duan një TRUMP ALBANEZ që tua shkurtojë të gjitha fondet e tu tregojë me gisht vendin ku fitohet me djersë paraja.