Një burrë u arrestua jashtë Pallatit Buckingham, pasi hodhi gëzhoja të një arme gjahu në territorin e Pallatit, bwn me dije policia.
Incidenti ndodhi pasditen e së martës por nuk është trajtuar si një rast terrorist por si një incident me një person me probleme të shëndetit mendor.
Policia thotë se burri u kontrollua dhe u gjet një thikë, por ai nuk mbante armë. Ata thonë se atij i është gjetur edhe një çantë e dyshimtë dhe se pas vlerësimit të specialistëve është kryer një shpërthim i kontrolluar për masa paraprake.
Arrestimi ndodhi 4 ditë nga ceremonia e kurorëzimit të mbretit Charles III ku do të marrin pjesë liderë botërorë dhe anëtarë të familjeve mbretërore nga e gjithë bota
Ministri i Sigurisë Tom Tugendhat tha se ishte reagim fantastik i policisë duke shtuar se masat e sigurisë janë forcuar përpara kurorëzimit.
Mbreti dhe Mbretëresha, të cilët jetojnë në Shtëpinë Clarence aty pranë – nuk ishin në Pallatin Buckingham në momentin kur ndodhi arrestimi, shkruan BBC.
p.k\dita
