Deri në muajin nëntor në vendin tonë kanë ardhur 12 milionë njerëz. Shifra tregon se çdo muaj kanë hyrë mesatarisht në Shqipëri mbi 1 mln qytetarë shqiptarë dhe të huaj.
Në muajin nëntor në Shqipëri kanë ardhur 809 mijë njerëz nga jashtë. Ky fluks vizitorësh është ndjeshëm më i madh se fluksi i nëntorit të kaluar, kur hynë 549 mijë vizitorë. Edhe për periudhën 11 mujore, del se viti 2022 ka tejkaluar dukshëm vitin e kaluar. Shifra tregon se deri në fund të nëntorit rritja është 35%, me 12 milionë vizitorë.
Në dokumentin e Institutit të Statistikave del se nga rrugët ajrore fluksi i udhëtarëve është rritur me 75%, ndërsa nga deti dhe pikat kufitare rritja është 45 dhe 25%.
Shtetasit e vendeve fqinje si Kosova, Mali i Zi e Maqedonia e Veriut përbëjnë pjesën më të madhe të vizitorëve, ndërkohë që këtë vit ka pasur një trend në rritje të qarkullimit deri në 4 herë më shumë se vitin a kaluar nga Spanja dhe Anglia.
Plazhet, cmimet dhe dalja e plotë nga pandemia kanë qenë arsye të forta që kanë nxitur emigrantët shqiptarë dhe të të huajt të vijnë këtë vit në vendin tonë.
a.m/dita
Me keto shifra i bie 40 mije veta ne dite × 300 dite= 12 milion ne tere vitin. Periudha pik( Qershor, Korrik, Gusht) perben 70% te trafikut ose 8,4 milion:90 dite= 90.000 turiste ne dite:150 vete per avion= 600 avione ne dite. Duke menduar se gjysma e pasagjerve hyjne me tragete dhe autobuze=300 avione ne dite!!! Mos eshte shume mo?
Po rritjen me te madhe turizmi e sjell dhe jo Flamur Noka me shoke.