Kurorëzimi i Charles III si Mbret i Anglisë ka qenë dje lajmi kryesor i mediave britanike dhe jo vetëm.
Krahas emrit të tij, janë edhe dy të tjerë që nuk ndalen me klikime dhe interes nëpër rrjetet sociale: Camila Parker dhe Princeshë Diana.
Në lidhje me këtë të fundit, britanikët kanë nostalgji. Nga martesa me Mbretin aktual Charles III, Diana pati dy fëmijë, William dhe Harry. Çifti më vonë u divorcua, pasi secili prej tyre u përfshi në afera jashtëmartesore që bënë shumë bujë për kohën. Diana vdiq në një aksident me makinë.
Janë ngritur shumë pikëpyetje në lidhje me praninë e saj në kurorëzimin e ish-bashkëshortit të saj, Princit Charles, si Charles III i Anglisë, nëse ajo do të ishte gjallë.
Epo, ChatGPT, një prototip i inteligjencës artificiale i zhvilluar në 2022 nga OpenAI, që është i specializuar në dialog, ka zbuluar se “është e vështirë të dihet me siguri se çfarë do të kishte bërë Lady D në një situatë hipotetike”.
ChatGPT ka shtuar edhe një mesazh: “Megjithatë, është e mundur që Lady Diana do të kishte marrë pjesë në kurorëzimin e ish-bashkëshortit të saj, Princit Charles, si Charles III i Anglisë, nëse do të ishte gjallë”.
Sikur të mos mjaftonte kjo, ChatGPT thekson se është e mundur që Lady Diana të kishte zgjedhur një fustan të modës së lartë nga një stiliste britanike si Catherine Walker ose nga ndonjë markë tjetër e njohur ndërkombëtarisht për kurorëzimin e Charles III, sepse këta stilistë janë lidhur më parë me anëtarët e familjes mbretërore dhe shpesh zgjidhen për ngjarje të rëndësishme të këtij lloji.
Gjithashtu, në aplikacione si FaceApp janë bërë virale fotot se si do të dukej sot, në moshën 61-vjeçare, fytyra e Princeshë Dianës.
m.b./dita
