Katari ka thënë se rezervon të drejtën për t’u përgjigjur drejtpërdrejt dhe në përputhje me ligjin ndërkombëtar pasi Irani shënjestroi bazën ushtarake amerikane Al Udeid në Doha në përgjigje të një sulmi amerikan ndaj objekteve bërthamore iraniane.
Sakaq, Ministria e Mbrojtjes e Katarit tha se mbrojtja e saj ajrore e interceptoi me sukses sulmin me raketa që synonte Bazën Ajrore Al Udeid në Katar, duke shtuar se sulmi nuk shkaktoi vdekje apo lëndime.
Irani lëshoi të paktën gjashtë raketa ballistike drejt bazës ushtarake amerikane Al Udeid në Katar. Ajo është baza më e madhe e operacioneve ushtarake në Lindjen e Mesme, me rreth 10,000 trupa ushtarake.
Irani lëshoi të paktën gjashtë raketa ballistike drejt bazës ushtarake amerikane Al Udeid në Katar. Ajo është baza më e madhe e operacioneve ushtarake në Lindjen e Mesme, me rreth 10,000 trupa ushtarake.
Po ashtu, raportohet se nga Irani janë lëshuar raketa në drejtim të një baze amerikane në Irak.
SHBA aktualisht ka baza ushtarake në të gjithë Lindjen e Mesme, duke përfshirë instalime të mëdha në Al-Udeid (Katar), Aktivitetin e Mbështetjes Detare në Bahrein, Kampin Arifjan dhe Kampin Buehring (Kuvajt), Al-Dhafra (Emiratet e Bashkuara Arabe), baza në Irak (Al-Asad), poste të vogla në Siri (Al-Tanf) dhe prani në Jordani, Arabinë Saudite, Oman dhe Turqi.
