Një njësi ushtarake elitare iraniane pretendon se ka goditur me sukses Izraelin me një breshëri raketash që synonin disa qytete gjatë natës. Ata më tej kanë theksuar se do të kryejnë edhe më shumë sulme shkatërruese kundër objektivave jetikë.
“Një valë e re sulmesh nga Garda Revolucionare (…) lejoi që raketat të godisnin me sukses dhe në mënyrë efektive objektivat e tyre në Izrael”, tha Garda në një deklaratë.
Zëdhënësi i shërbimit të shpëtimit, Magen David Adom tha se numri i të vdekurve në një breshëri raketash gjatë natës që goditi Izraelin qendror është rritur në pesë. Sipas raportimeve, viktima e fundit u gjet gjatë kërkimeve në rrënojat e një ndërtese të lartë banimi në Petah Tikva që u dëmtua gjatë sulmit.
Tre të tjerë u vranë në të njëjtin vend, dhe një burrë u vra në Bnei Brak, ku një raketë shkaktoi dëme të mëdha në një zonë banimi. Shërbimi i urgjencës thotë se 92 persona janë shtruar në spital, shumica e tyre me lëndime të lehta.
Kërkimet janë duke vazhduar në dy nga katër vendet e ndikimit. Raportet tregojnë gjithashtu se ekipet e shpëtimit po përpiqen të arrijnë dhe tre persona të bllokuar në një vend në Haifa të goditur nga një raketë.
j.l./ dita
Shejtan Irani e djall Izraeli. Ku e gjen të drejtën ky që të bëhet xhandar i Lindjes së Mesme? Përse duhet përkrahur Izraeli, që, me shkatërrimin e Gazës, Libanit, Jemenit e Iranit, pjell vetëm refugjatë që mësyjnë Europën?
Pse nuk i shtrin këmbët sa ka jorganin, po pushton tokat e Bregut Perëndimor dhe Golanin e Sirisë. Ç’është ky shtet fashist që vret fëmijë, gra e pleq, mjekë, gazetarë, vullnetarë të Kryqit të Kuq? Do t’i hajë dot fqinjët? Dhe sa do të ketë sukses me politikat e tij imperialiste?