Ish-kryeministri italian dhe lideri aktual i ‘Forza Italia’, Silvio Berlusconi, 86 vjeç, është shtruar me urgjencë në spitalin ‘San Raffaele’ në Milano, e njëjta qendër shëndetësore që la më 30 mars, pasi u shtrua në spital për tre ditë. Më pas iu nënshtrua disa kontrolleve. ‘Corriere della Sera’ ka avancuar në raportim se ai po trajtohet në reanimacionin kardiak.
Sipas gazetës italiane, ish-kryeministri italian i trefishtë i është nënshtruar një skanerie CT dhe është ende në pritje të analizave të mëtejshme. Nga spitali ‘San Raffaele’ nuk është dhënë më shumë informacion në lidhje me Berlusconi dhe se sa do qëndrojë, e cili në vitin 2016 iu nënshtrua një operacioni të rëndë në zemër, ka vuajtur nga kanceri i prostatës dhe tashmë e di se si është të shtrohesh në spital për komplikacione, sepse edhe në vitin 2020 iu shtua pneumonia e rëndë, për shkak të COVID-19.