Siç ka rrëfyer Georgina Rodríguez në ‘dokumentarët’ e saj, fillimet nuk ishin aspak të lehta. Para se të jetonte jetën aktuale plot luks pranë Cristiano Ronaldo, me të cilin ka krijuar një nga çiftet më të njohura dhe influencuese që nga viti 2017, kaloi vështirësi të mëdha financiare. Sipas portalit ‘Look’, modelja para se të gjente dashurinë me futbollistin portugez, ka marrë ndihmë të madhe nga një prej ish-partnereve të saj. Siç thekson media e lartpërmendur, burri ka preferuar të mbajë anonim identitetin e tij, pasi nuk dëshiron të marrë vëmendje. Në deklaratat që ka dhënë, bie në sy një anekdotë që ai e zbulon. I lartpërmenduri banonte në atë kohë në Londër dhe ekonomikisht i shkonte shumë mirë, për këtë arsye i siguronte modeles udhëtime të vazhdueshme për ta parë dhe 2000 euro cash çdo muaj, që ajo t’i ndante për shpenzimet e saj personale. Në fakt, ky burrë ka paguar edhe biletat e avionit që Georgina dhe motra e saj Ivana të udhëtonin drejt Argjentinës, për varrimin e babait të tyre. Kjo ka tërhequr shumë vëmendjen e njerëzve, pasi në atë kohë “Jaca” siç thirrej bukuroshja në pseudonim, ishte tashmë partnere e Cristiano Ronaldo.
