Ish-prokurori Ervin Karanxha ka ngritur akuza të forta mbi përzgjedhjen e prokurorit Olsi Dado në sistemin e drejtësisë, duke e cilësuar atë një shkelje të rëndë ligjore. Në një intervistë për Report TV, Karanxha denoncoi faktin se Dado është bërë prokuror në kundërshtim me kriteret e përcaktuara nga ligji, duke kaluar edhe procesin e vetingut pa u ndëshkuar. Sipas tij, ky rast tregon qartë ndikime të fshehta në sistem, duke ngritur dyshime mbi integritetin e SPAK dhe organeve të vetingut.
Pjesë nga deklarata e Ish-prokurorit Ervin Karanxha:
Procesi në dukje duket i rregullt por gjatë publikimit në media kam parë diçka që për mendimin tim, është një shkelje shumë e rëndë e ligjit:
– Në media është publikuar CV e prokurort Ols Dado. Rezulton se Olsi Dado në bazë të vendimit të KPK është bërë prokuror në kundërshtim ligjin. Ligji ka pasur kritere të sakta. Duhet të jesh këshilltar ligjor pranë institucioneve shtetërore, Avokatit të Popullit por jo noter.
– Ka karrierë si noter dhe ka kaluar direkt prokuror dhe ka kaluar me vendim të Këshillit të Lartë të Prokurorisë së atëhershme dhe ky vendim i ka kaluar me propozim Prokurorit të Përgjithshëm, presidentit të Republikës
– Në parim është marrë një person që nuk plortëson kriteret ligjore dhe është futur në sistemin e prokurorisë
– Në parim, duhet të kesh dikë nga pas, që të mbështet. Ka lobim dhe personi që e ka bërë këtë, këtu duket një dorë që e ka bërë prokuror në kundërshtim me ligjin.Duke u bërë prokuror në kundërshtim me ligjin, nesër mund të jesh objekt kapje, për një çështje të caktuar. Mund të futesh në projekte edhe në çështje të tjera dhe ti duke qenë i kapur, ekziston risku që të jesh prokuror i varur, jo i pavarur.
– Prokurorët në bazë të Kushettuës dhe ligjit janë të pavarur. Kur zgjidhen në kundërshtim me ligjin nga dikush, nesër ke një kapje. Ky është problem i madh. Mua më shqetëson më shuam personi që e ka bërë prokuror në kundërshtim me ligjin, se dikush ka ndikuar për këtë njeri.Është marrë parimisht nga rruga, është bërë prokuror; ka qenë noter, është bërë prokuror. Këtë e keni lehtësisht të verifikueshëm tek vendimi i KPK i këtij prokurori.
– Diçka tjetër që konstatoj dhe është akoma më e rëndë, për mendimin tim është se ky person ka kaluar edhe vetingun. Pra edhe vetingu nuk e ka kapur këtë gjë, pra që nuk plotësonte kriteret për prokuror dhe thashë është lehtësisht e verifikueshme.
– Dora që e ka ndihmuar të bëhet prokuror, sot ky person që prapë ndihma e ka kaluar edhe në veting dhe është me vendim të formës së prerë, ka kaluar edhe vetingun e SPAK, është prokuor në SPAK.
– Që të jesh prokuror, duhet të plotësosh kushte. Është A. Pra, të konkurrosh në ndonjë vend tjetër, në ndonjë prokurori. Si ka mundësi që ka kaluar gjithë këto hallka? Është dikush që e ka ndihmuar dhe kjo përbën shkak për mendimin tim. Dikush që e ndihmon, përbën shkak për shkeljen e paanësisë. Shkelet paanësia. Rregulli kryesor është të kesh mbaruar shkollën e Magjistraturës. Ky për shembull ka kaluar edhe vetingun dhe është e çuditshme. Vihen në diskutim edhe organet e vetingut, për këtë kalim që është shumë e rëndë. Unë nuk e dija këtë fakt. E pashë në media. Të mos plotësosh kriterin! Është A. Pra, kur niset një makinë nga starti, kjo është A. Aq më tepër që ka kaluar edhe vetingun e SPAK. Pra edhe SPAK thotë: Ky është në rregull. Pra, ka probleme edhe në SPAK. Si e kanë përzgjedhur këtë njeri që e kanë vënë aty?!
