Policia e Tiranës njoftoi dje se ka arrestuar një 53-vjeçar, i cili përplasi për vdekje një të ri, pak ditë më parë, në Vaqarr.
Sipas policisë, 53-vjeçari banues në fshatin Bulticë në Tiranë, ka qenë në gjendje të dehur në timon në momentin e aksidentit me motorin.
Ai ishte duke drejtuar një makinë tip ‘Audi’ dhe ka humbur kontrollin dhe automjeti, duke u përplasur me motomjetin me drejtues shtetasin L. T., 23 vjeç.
I riu si pasojë e përplasjes së fortë ka humbur jetën në vend, kurse drejtuesi u ndalua dhe iu nënshtrua testeve të kontrollit për drogë dhe alkool, duke dalë pozitiv në këtë të fundit.
