Pasaporta e Emirateve të Bashkuara Arabe është më e fuqishmja në botë, pasi sipas një studimi të ri, mbajtësit e saj mund të udhëtojnë pa procedura të veçanta në 180 vende të botës.
Gjatë pandemisë, Emiratet e Bashkuara Arabe shmangën bllokimet e përgjithshme të vendosura në shumë vende, duke u fokusuar në masa më të buta si mbajtja e maskave. Kjo politikë tërhoqi vizitorë nga e gjithë bota, të cilët donin të shmangnin masat e rrepta kufizuese të aplikuara në vendet e tyre.
Kështu, sipas të dhënave të Arton Capital, një mbajtës i pasaportës së Emirateve të Bashkuara Arabe sot ka akses në 7 vende më shumë se pasaportat evropiane të Gjermanisë apo Suedisë dhe 9 më shumë se pasaporta japoneze, e cila zuri vendin e parë në renditjen përkatëse të Henley & Partners të këtij viti.
Megjithatë, Indeksi i Pasaportave të “Arton Capital” tregon se top 10 pasaportat më të fuqishme në botë dominohen nga vendet evropiane: Emiratet e Bashkuara Arabe pasohen nga Gjermania, Suedia, Finlanda, Luksemburgu, Spanja, Franca, Italia, Holanda, Austria dhe Suedia, të cilat së bashku me Korenë e Jugut u japin akses të lehtë 173 vendeve.
Në kategorinë e tretë janë Danimarka, Belgjika, Portugalia, Norvegjia, Polonia, Irlanda, SHBA dhe Zelanda e Re, me akses në 172 shtete.
Në kategorinë e 4-të, përfshihen: Greqia, Çekia, Hungarinë, Japoninë, Britaninë e Madhe dhe Australinë, pasaportat e të cilave ofrojnë akses të lehtë në 171 vende.
Pasaporta e Afganistanit mbetet më pak e dobishme në botë.
a.m/dita
