Nga ARBEN DUKA (1957-2021)
“I bëj thirrje popullit!”,
nga shumëkush dëgjohet,
popullit kushdo,
nuk mund t’i drejtohet!
Atij i drejtohet,
me thirrje të zjarrtë,
një gurë e ndritur,
a shtetar i lartë!
Gjithfarë shoqatash,
me një kryetar,
direkt i drejtohen,
popullit shqiptar!
Dje pashë e dëgjova,
në ekranet mbarë,
një aktor pa role,
dhe një gazetar!
Popullit i thanë,
ngrihuni në çeta,
njëlloj si të ishin,
Presidenti Meta!
Se për Presidentin,
as që diskutohet,
popullit gjithmonë,
mundet t’i drejtohet!
Dhe nga ne të gjallët,
në këto beteja,
mundet t’i drejtohet,
vetëm Kadareja!
Spurdhjakë e spurdhjake,
mos më çojnë nëma,
popullin e ‑ ojnë,
pesha shumë të rënda!
Ndaj ju them disave,
mbajeni më butë,
popullin s’e ngrejnë,
dot ca liliputë!
Shqipos-mikrofonin,
po ja dhe në dorë,
ndihet menjëherë,
Tribun Popullor
