Një varkë turistike po udhëtonte përgjatë bregut të Gjirit të Meksikës, kur një skenë e çuditshme detare habiti pasagjerët. Në bregun e Parkut Kombëtar Cabo Plumo, një tufë prej 10 orkash notoi me njëqind delfinë. Gjithçka dukej si një pamje e qetë e natyrës kur një nga orkat filloi të ndiqte një delfin, i cili po ikte duke u përpjekur t’i shpëtonte sulmit.
Pas dy përpjekjeve të dështuara dhe dëshpërimit të delfinit për t’u arratisur i padëmtuar, orka doli nga uji me një kërcim të madh dhe e goditi delfinin plotësisht. Videoja i ka lënë të gjithë pa fjalë, pasi përplasja e orkës dhe delfinit është e denjë për një dokumentar detar.
Miguel Cuevas, pasagjer në anije, ka shpërndarë në të gjitha rrjetet e tij sociale videon që nuk ka vonuar të bëhet virale si një aksident i vogël. Megjithatë, ekspertët kanë sqaruar se nuk është aksident. Midis balenave vrasëse, goditja e viktimave të tyre për t’i gjuajtur dhe ushqyer ato është një sjellje e shpeshtë.
