Një 48-vjeçar është vënë në pranga nga policia, teksa transportonte një sasi të konsiderueshme produkti ushqimor të kontrabanduar. Në pranga ka rënë edhe një doganier në pikën kufitare të Kapshticës, pasi dyshohet se lejoi kalimin e sasisë së produktit, në mënyrë të paligjshme.
Marjo Taraj, doganier i Pikën e Kalimit Kufitar të Kapshticës, u arrestua për ‘shpërdorim detyre’, pasi lejoi që Astrit Murataj të kalonte mall kontrabandë në kufi. 179 kuti me djathë kaçkavall “Guda”, u kapën në aksin Korçë-Bilisht, pranë fshatit Dishnicë, në një mjet që drejtohej nga tregtari Astrit Murataj. Më pas u arrestua doganieri Taraj, që ishte në pikën kufitare kur ka kaluar mallin. Ai akuzohet se “duke shpërdoruar detyrën, ka lejuar mallin të futet në tokën shqiptare, pa kryer detyrimet doganore”.
