Disa pjesëtarë të KFOR-it, derisa kanë qenë duke qëndruar me një lokal janë kanosur nga dy persona.
Sipas njoftimit të Policisë së Kosovës bëhet me dije se ngjarja është regjistruar të hënën rreth orës 09:00 në fshatin Libuqevë në Prizren. Më tej në njoftim bëhet me dije se të dyshuarit janë larguar nga vendi i ngjarjes ku më pas është bërë edhe arrestimi i tyre.
“Pas një pune hetimore janë ndaluar dhe arrestuar dy të dyshuarit meshkuj kosovarë. Pas intervistimit të dyshuarit me vendim të prokurorit janë dërguar në mbajtje”, thuhet në raport.
Më tej bëhet me dije se gjatë kontrollit në shtëpinë e njërit nga të dyshuarit është gjetur dhe sekuestruar pushkë gjuetie.
Zëdhënësi i policisë për rajonin e Prizrenit, Shaqir Bytyqi tha se të dyshuarit iu ishin afruar pjesëtarëve të KFOR-it në një lokal duke i ofenduar ata ku më pas janë shkaktuar tensione. Sipas Bytyqit njëri prej tyre ka kërcënoi me vdekje ushtarët, duke thënë se do të kthehej për t’u armatosur dhe për t’i vrarë të gjithë.
Njoftimi i plotë:
Më datën 26.02.2024, rreth orës 10:10, policia mori informacion se në fshatin Lubiçevë dy persona të dyshuar kanosën pjesëtarët e KFOR-it italian, të cilët ishin për vizitë në atë fshat. Patrulla policore u nis në vendin e ngjarjes dhe kontaktoi karabinierët, të cilët raportuan se ndërsa ishin në një lokal aty në fshat, të dyshuarit iu afruan ushtarëve fillimisht duke i ofenduar, dhe më pas njëri prej tyre i kanosi ata me vdekje, duke thënë: ‘Do të shkojë në shtëpi të marr kallashnikovin dhe do t’ju vras të gjithëve’.
j.l./ dita
