Policia greke ka sekuestruar një sasi prej 145.000 shishe pije alkoolike paraditen e së enjtes. Mësohet se sasia rekord e pijeve alkoolike kontrabandë vendosur në 10 konteinerë kishte destinancion Shqipërinë. Kjo sasi ishte nisur nga Gjeorgjia dhe kishte mbërritur në Pire 8 ditë më parë.
Burime nga doganat greke thanë se kishin informacion prej zyrës Europiane të parandalimit të mashtrimit dhe falsifikimit(Olaf) lidhur me itenerarin e ngarkesës,ndaj dhe ishin vënë në alarm për bllokimin e sasisë të transportuar.
Prej analizave të kryera në laboratorin shtetëror të kimisë në Athinë, rezultoi se pijet ishin jo origjinale dhe jashtë parametrave të Bashkimit Europian, ndaj edhe u sekuestruan.
Burimet i thanë Top Channel se informacionet lidhur me itinerarin e ngarkesës iu dhanë prej homologëve të tyre holandezë,me të cilët janë kanë kryer edhe disa operacione të përbashkëta gjatë dy viteve të fundit.
Sasia e mallit u dërgua në magazinat doganore të Pireut, ndërsa hetimet do të vazhdojnë për zbardhjen e linjës së plotë të trafikimit të pijeve alkoolike dhe cigareve mes vendeve lindore dhe Bashkimit Europian.
m.b/dita
