Një anije gjysmë zhytëse (nëndetëse) që mbante rreth 3 tonë kokainë, u kap në Paqësorin Jugor, në brigjet e Kolumbisë, ndërsa ekuipazhi u përpoq pa sukses të fundoste ngarkesën e drogës, njoftoi marina e vendit të mërkurën. Lajmi vjen rreth dy javë pasi e ashtuquajtura “narko sub” më e madhe e regjistruar ndonjëherë në Kolumbi, u kap me 3 tonë kokainë në bord.
Tre burra ishin në bordin e gjysmë-zhytësit 30 metra, kur u zbulua nga njësitë e marinës kolumbiane, thanë zyrtarët në një njoftim për shtyp. Marina tha në një deklaratë se anija mbante kokainë me vlerë rreth 81 milionë dollarë dhe ishte e destinuar për në Amerikën Qendrore.
Zyrtarët thanë se pasi ekuipazhi vuri re afrimin e marinës kolumbiane, ata u përpoqën të hapnin valvulat dhe të fundosnin anijen së bashku me ngarkesën e saj të ngarkuar me drogë. Megjithatë, personeli ushtarak pengoi përpjekjen, duke rikuperuar anijen dhe ngarkesën, ndërsa shpëtoi tre burrat në bord.
