Policia e Korçës ka arrestuar një person të dyshuar, i cili shiste kanabis sativa në rrugët e qytetit. Pas kontrollit të bërë në banesën e tij, iu gjetën edhe 1 armë zjarri automatike, 1 krehër, municion luftarak, pjesë arme dhe 55 doza të lëndës narkotike, të cilat u sekuestruan në cilësinë e provës materiale.
Në pranga ka rënë Ropi Tajko, ndërsa është vënë nën hetim i identifikuari si A.M., i cili po blinte një sasi kanabisi nga Tajko. I riu mësohet se është kapur në flagrancë nga policia teksa po i shiste personit të vënë nën hetim një sasi të vogël me lëndë narkotike kanabis.
