Policia e Korçës ka dalë me një njoftim zyrtar lidhur me operacionin e zhvilluar ditën e diel afër kufirit të gjelbërt, në Kapshticë, ku u vunë në pranga 2 shtetas rumunë, të cilët tentuan të trafikonin një sasi kanabisi drejt Greqisë, duke përdorur një automjet rulot të marrë me qira.
Bëhet me dije se në total janë sekuestruar 118 kilogramë kanabis. Ndërsa në pranga kanë rënë 2 rumunët, po çift; George Coman, 54 vjeç dhe Daniela Buturugaru, 36 vjeç, banuese në Bukuresht dhe që kishin ardhur në vendin tonë si turist. Ai mohoi të kishte dijeni për ngarkesën, duke thënë se dyshon që droga të jetë futur më para se ai të pajtonte mjetin me qira. Gjatë kontrollit të detajuar, duke përdorur edhe qenin antidrogë të Policisë, në pjesën e bagazhit u gjetën dhe u sekuestruan në cilësinë e provës materiale 79 pako me lëndë të dyshuar narkotike kanabis sativa, me peshë totale 118 kilogramë. Pak javë më parë, po 4 shtetas rumunë (çifte të rinjsh), ndërsa 5 shqiptarë nga Vlora janë shpallur në kërkim, pas megaoperacionit të koduar ‘Camper’.
Më 13 mars u sekuestruan 260 kilogramë kanabis që kishte gjithashtu destinacion Greqinë. Në pranga kanë rënë rumunët; Marius Cimpeanu, Mihaela Cimpeanu, Florin Tucan dhe Andreea Pislaru, të moshave 20-26 vjeç. Të arrestuarit shtireshin si turistë, por automjetet rulot që blinin, i përdornin për transportin e drogës me destinacion Greqinë.
