Nga Artur Ajazi
E quajti mbylljen e tik-tok-ut, “krim makabër, pushkatim i fjalës së lirë”. Ky që e quajti ishte Sali Berisha. Njeriu që në çdo fatkeqësi të shqiptarëve, osekërkon zgjedhje të reja, ose largimin e qeverisjes dhe njeriut që qeveris. Ra tërmeti, ra COVID-i, ndodhin aksidente, ndodhin fatkeqësi të tjera në shkolla, apo akse rrugore, arrestohen kriminelë, dhe së fundi mbyllet me pëlqimin e mbi 90 per qind të prindërvetik-toku, ai njeri kërkon largimin e qeverisë. Del kundër çdo gjëje të bukur, kundër çdo investimi, kundër çdo rritje page, pensioni, kundër çdo lajmi tëbukur që del nga kryeministria, nga BE-ja, nga OKB-ja, dhe nga vetë Zoti. Ai njeri ka vendosur t’ja nxijë kohën, muajt, vitin, dhe buzëqeshjen shqiptarëve. Mbyllja e tik-tok-ut, ishte vendim i duhur, dhe mendojse ishte i vonuar. Nga problemet që ka sjellë dhe ka hapur mes të rinjve, apo dhe nga rasti më i fundit me vrasjen makabre të 14 vjeçarit në derën e shkollës, ai aplikacion duhej mbyllur me kohë. “Porsa të vijmë ne në pushtet, do të rihapet tik-tok-u, do të hiqen taksat, do të rriten pagat dhe pensionet, do të shtohet numri i portaleve……..”.
Dhe mendo tani, sikur të ndodhë “kataklizmoja”, dhe të vij në pushtet sërish Berisha. Shteti ligjor do të qelbet, institucionet do të mbushen me mediokër, Kushtetuta do të bëhet paçavure, drejtësia do të rikthehet atje ku ishte, në moçalin e dikurshëm.
Mendoni sikur ai njeri të rikthehet edhe njëherë në pushtet, thuajse ka ndodhur kataklizmoja. Shqiptarët do të rikthehen në epokën e “poturreve” dheshteti do të marrë tatëpjetën. Ai njeri premton se “sa të vij në pushtet, do të rikthej plepaxhinjtë në drejtësi, tik-tok-un, do të rikthejë gjithë armatën e të larguarve për korrupsion në polici, ushtri, arsim, shëndetësi, dhe do ti bëjë rrumpallë tatimet, doganat, bashkitë, dhe çdo gjëqë ka hyrë tanimë në hullitë e shtetit ligjor.
Mendoni sikur ai njeri të ribëhet edhe njëherë kryeministër i vendit, pa patur asnjë përkrahje amerikane dhe europiane, duke e kthyer Shqipërinë 30 vite pas.Mjafton të kujtojmë pamjet filmike që Edi Rama shfaqi kur hyrë në kryeministri në 2013, dhe pocaqinë që gjeti në zyra, korridore, arkiva, dhe magazet e asaj godine, për ti thënë JO” rikthimit të PD në pushtet. Ai njeri është i gatshëm për tu bërë aleat (jo vetëm me serbin e grekun) edhe me djallin, vetëm e vetëm të rikthehet edhe njëherë në pushtet. Një opozitë e përgjegjshme shfaq dakortësi dhe gëzohet, edhe kur qeveria bën punë të mira, merr masa drastike ndaj fenomeneve negative që shthurin rininë, apo dhe kur shumica parlamentare miraton ligje të dobishme, që i shërbejnë shqiptarëve. Nuk shkon drejt pushtetit, kur bën “hasha” gjërat që duken dhe preken, apo dhe kur bën propogandë kundër qeverisë duke dëmtuar interesin e shqiptarëve. Drejt pushtetit shkon, kur je parti transparente, e besueshme, dhe shpresë madhe për shumicën e popullit.
Ndaj them, rikthimi i PD dhe Berishës edhe njëherë në pushtet, krahasohet vetëm me kataklizmonë.
