Katër nxënës shqiptarë janë ndaluar nga policia në qytetin e Kotorrit, në Mal të Zi, pasi kanë bërë me duar simbolin e shqiponjës dykrenare.
Mësohet se, ngjarja ka ndodhur pasditen e së shtunës, rreth orës 17:30, kur një grua e moshuar malazeze u ka kërkuar të rinjve të ndërprisnin veprimin.
Pasi ata nuk e kuptuan kërkesën e saj, ajo ka njoftuar policinë, duke pretenduar se ishte kërcënuar prej tyre. Pas denoncimit dhe marrjes së deklaratës së saj, policia ka shoqëruar katër nxënësit dhe i ka ndaluar nën dyshimin për nxitje të urrejtjes kombëtare.
Të rinjtë pritet të dalin përpara gjykatës kompetente ditën e sotme, ku do të shqyrtohet çështja dhe rrethanat e incidentit.
j.l./ dita
