Këngëtarja me famë botërore Katy Perry ka qenë e pranishme në kurorëzimin e mbretit Charles në Londër. Gjatë momentit të ceremonisë, paparacët e kanë kapur në një moment kur ajo ka humbur ekuilibrin.
Veshja e saj e ngushtë, ia vështirësonte edhe më shumë ecjen. Ajo kishte veshur një fustan rozë, dhe mbante në kokë një kapele me rrjetë të madhe.
E fejuara e Orlando Bloom ka nxjerrë në pah këmbët e saj të gjata, me një fund të ngushtë, shkruan “The Sun”. Ndërkohë që po largohej nga Westminster Abbey, këngëtarja shfaqi probleme me takat e bardha.
Incidentet dukej sikur nuk kishin fund me të, pasi më herët u përpoq të shihte nga kapelja e saj e madhe me rrjetë. Këngëtarja ecte në mënyrë të sikletshme rreth kishës, ndërsa pyeste të ftuarit nëse karriget ishin të lira.
m.b./dita
