Gjykata e Apelit të Posaçëm ka shtyrë për ditën e premte shpalljen e vendimit mbi kërkesën e Jamarbër Malltezit për revokimin e masës së sigurisë “arrest shtëpie”.
Gjyqtari Engert Pëllumbi vendosi që seanca për shqyrtimin e këtij vendimi të shtyhet për në orën 10:30 të ditës së premte, ku do të shpallet vendimi për pranimin ose refuzimin e kërkesës së Malltezit, i cili është i akuzuar për kryerjen e veprave penale të korrupsionit dhe pastrimit të parave.
Në një vendim të mëparshëm, gjyqtari Pëllumbi kishte caktuar masën “detyrim paraqitje” për ish-kryeministrin Sali Berisha, duke prishur vendimin e shkallës së parë, të marrë nga gjyqtarja Flojera Davidhi, e cila kishte vendosur revokimin e masës “arrest shtëpie” për Berishën.
Shpallja e vendimit për këtë kërkesë do të pritet me shumë interes, pasi ka pasur debate të shumta rreth masave të sigurisë për personat nën hetim për krime të rënda.
j.l./ dita
