Alma Kaçi ka mbërritur në Gjykatë, teksa pritet që seanca në Apel për ndryshimin e masës së sigurisë të nisë në orën 11:00.
Të njëjtën kërkesë ka depozituar edhe Safet Gjici.
Të dy kanë ankimuar masën e sigurisë të dhënë nga Gjykata e Shkallës së Parë. Ka qenë Gjici i parë që i ka kërkuar Apelit ndryshimin e masës së sigurisë, pasi sipas tij ai nuk ka kryer asnjë shkelje ligjore dhe në lidhje me tenderin që diskutohet në zyrë për rehabilitimin e qenve të rrugëve nuk është kryer asnjë veprim.
Kaçi po ashtu ka kërkuar ndryshim të masës së sigurisë duke pretenduar se nuk ka kush kujdeset për fëmijën e saj të mitur dhe për nënën e saj të moshuar.
Gjici po hetohet nën masën e “arrestit me burg”, ndërsa Kaçi po hetohet nën masën e “arrestit shtëpiak”. Masa që ata kërkojnë “detyrim paraqitje”.
Kujtojmë që Prokuroria e Posaçme ka nisur hetimet pas publikimit të videos teksa dy kryenin e marrëdhënie seksuale në zyrën e bashkisë së Kukësit. Për këtë prokuroria nisi hetim për shpërdorim të detyrës dhe më pas me atë të korrupsionit pasiv dhe korrupsionin aktiv për Alma Kaçin, pasi të dy komunikojnë për një tender.
Prokuroria ka zhvilluar edhe hetime sa i takon personave që mund të ketë shtyrë Alma Kaçin për të bërë atë video, pasi ka dyshime pasi kjo mund ta këtë kryer për të shantazhuar ish-kryebashkiakun. Deri në këtë fazë të hetimit nuk ka persona konkret që mund ta shtyrë Kaçin.
Kjo e fundit ka deklaruar në Prokuri se e ka kryer video-regjistrimin, pasi kur e ka takuar herën e parë Gjici e ka ngacmuar seksualisht dhe për të dokumentuar gjithçka në takimin e dytë ajo ka shkuar bashkë me një video-regjistrues.
j.l./ dita
