Disa nga anëtarët e Asamblesë Parlamentare të Këshillit të Europës kanë reaguar ashpër për mbylljen e kolegjit turk në Tiranë rreth një muaj më parë.
Në një deklaratë të përbashkët, ata shprehen se me mbylljen e një institucioni arsimor, Shqipëria u bë shembull i përdorimit të autoritetit public për qëllime politike.
Teksa citojnë shoqërinë civile dhe juristët se mbyllja e shkollës ishte vendim arbitrar i qeverisë shqiptare, për shkak të presionit të autoriteteve turke.
Në deklaratë me tej thuhet se Erdogan përdori peshën e tij për të kontaktuar autoritetet shqiptare dhe qeveritë e tjera duke kërkuar mbylljen e shkollave të themeluara nga një grup i caktuar shtetasish turq, të cilët ishin në opozitë.
“Ne jemi të shqetësuar që Shqipëria, si vend kandidat për në BE, nuk respekton shtetin e së drejtës duke u vendosur politikisht nën presionin e jashtëm”- theksohet në deklaratë.
“Shqipëria, një shembull i fundit i përdorimit të autoritetit publik për qëllime politike Ne, të nënshkruarit, deklarojmë sa vijon:
Më 22 shtator 2022, qeveria shqiptare anuloi dy institucione arsimore turke për shkak të një procedure të pretenduar zhvendosjeje. Kjo mbyllje u vlerësua nga juristët, akademikët dhe shoqëria civile si një vendim arbitrar i qeverisë shqiptare për shkak të presionit të autoriteteve turke.
Për më shumë se shtatë vjet, politika e jashtme turke e bëri misionin e saj mbylljen e institucioneve arsimore të perceptuara si të sikletshme për qeverinë Erdogan. Presidenti turk përdori peshën e zyrës së tij për të kontaktuar autoritetet shqiptare dhe qeveritë e tjera duke kërkuar mbylljen e shkollave të themeluara nga një grup i caktuar shtetasish turq, të cilët ishin në opozitë. Këto përpjekje për mbylljen e shkollave u pasuan shpesh me rrëmbime dhe ekstradime të paligjshme. Rastet e rrëmbimit të mësuesve turq kanë ndodhur në të njëjtin skenar në Republikën e Moldavisë (shih Doc. 14649“Thirrja e Republikës së Moldavisë për të rivendosur sundimin e ligjit”) dhe kanë çuar në dënimin e vendit nga Gjykata Evropiane e të Drejtave të Njeriut. Ne jemi të shqetësuar që Shqipëria, si vend kandidat për në BE, nuk respekton shtetin e së drejtës duke u vendosur politikisht nën presionin e jashtëm.
Asambleja Parlamentare duhet ta ndjekë këtë rast dhe t’i bëjë thirrje Shqipërisë të respektojë shtetin e së drejtës”- thuhet në reagimin e KIE.
o.j/dita
KiE nuk e ve vehten ne siklet te akuzoje Erdoganin per nderhyrje duke permendur emer.Eshte jashte llogjike dhe praktike diplomatike.Kjo eshte sajese e Rames kunder Erdoganit qe e deboi si qen i zgjebosur kur iu mburr ne viziten ne turqi qe kishte mbyllur nje shkolle turke me shprese te se do te merte shperblim.Erdogani eshte burre zotni qe nuk e ben luften me femijet dhe shkollat,dhe aq me shume per shkolla turke jashte turqise.