Kreu i grupit kriminal kinez Liangbin Chen nuk do të ekstradohet drejt vendit të tij, që e ka shpallur në kërkim ndërkombëtar, pasi Gjykata e Lartë ka rrëzuar vendimin e Apelit. Gjykata e Lartë ka vendosur mospranimi i kërkesës për ekstradim pasi kërkesa kishte disa mangësi procedurale. U sollën në seancë disa raporte ndërkombëtare për shkeljen e të drejtave të njeriut atje dhe një vendim i GJEDNJ Liu kundër Polonisë që ishte i njëjti rast.
Ai u kap më 21 korrik të një viti më parë në aeroportin e Rinasit, teksa kishte ardhur nga Dubai për t’u strehuar në arrati në vendin tonë. Kinezi akuzohet si kreu i bandës e cila ka patur selinë në qytetin Huzhou në Kinë dhe që ka kryer mashtrime në platformat online për ambiente me qira, shitje kompjuterash dhe telefonash në Dubani, Kinë dhe Emiratete Bashkuara Arabe. Ai rezultonte në kërkim ndërkombëtar dhe akuzohej për “mashtrim me pasoja të rënda”, me dëm 145 mln dollarë.
