Policia e Vlorës ka shpallur në kërkim një shtetas 35-vjeçar, pasi në një stan në pronësi të babait të tij, kanë gjetur një armë zjarri pistoletë dhe një krehër me municion luftarak.
Arma dhe municioni luftarak u sekuestruan në cilësinë e provës materiale.
“Strukturat hetimore të DVP Vlorë, në vijim të punës për goditjen e paligjshmërive në të gjithë territorin e qarkut Vlorë, si rezultat i kontrolleve të ushtruara në fshatin Shkozë, Vlorë, në një stan në pronësi të shtetasit I. I., kanë gjetur dhe sekuestruar një armë zjarri pistoletë dhe një krehër me municion luftarak. Për këtë rast, specialistët për Hetimin e Krimeve referuan materialet në Prokurori, për shtetasin I. I., 63 vjeç dhe shpallën në kërkim djalin e tij, shtetasin L. I. alias L. M., 35 vjeç. Vijon puna për kapjen e tij”, thuhet në njoftimin e policisë.
p.k\dita
