Për të rimarrë të burgosurit shqiptarë më të rrezikshëm, Britania e Madhe do t’i paguajë vendit tonë të paktën 4.6 milionë euro në vit.
Sipas një marrëveshje të ratifikuar gjatë kësaj jave, bëhet fjalë për rimarrjen e rreth 200 të burgosurve.
Telegraph raporton se Qeveria e Mbretërisë së Bashkuar do të japë para për rinovimin e burgjeve, sigurinë shtesë, punëtorinë, pajisjet e rehabilitimit dhe trajnimin e rojeve.
Vlera e përcaktuar në ditë për të burgosur për të gjithë kohëzgjatjen e dënimit të tyre është 36.5 euro në ditë, që Ministria e Drejtësisë britanike vlerëson se do të kushtojë 4.6 mln euro në vit.
Qeveria shqiptare do të hartojë një raport vjetor për të burgosurit dhe kushtet e tyre, ndërsa qeveria e Mbretërisë së Bashkuar do të ruajë të drejtën për të kryer kontrolle fizike.
Mes 200 të transferuarve janë 17 të burgosur të përjetshëm, përfshirë Selman Koçin, vrasësi i mësueses Sabina Nessa , 28 vjeç. Ai u burgos për të paktën 36 vjet për rrahjen dhe mbytjen e saj për vdekje në një park në juglindje të Londrës.
Ai ka vuajtur deri më tani vetëm dy vjet, që do të thotë që Britania e Madhe do t’i paguajë Shqipërisë 462 mijë euro për ta burgosur për 34 vitet e mbetura të dënimit të tij.
p.k\dita
