Divorci i këngëtares kolumbiane Shakira dhe ish-futbollistit të Barcelonës, Zherard Pike ka qenë një ndër më të bujshmit në botën e showbizit. Kjo për shkak të tradhëtisë me një vajzë më të re, marrëdhënia me fëmijët dhe këngët bombë të Shakirës. Së fundmi ka folur edhe avokati i Pikesë, Ramon Tamborero për “La Vanguardia”.
“Të dy kanë treguar inteligjencë të madhe. Kanë bërë një përpjekje të madhe për të mirën e fëmijëve të tyre. Kanë bërë negociata për 7 muaj. Marrëveshja ishte komplekse dhe kërkonte takime përgatitore, në fund fare takimi zgjati trembëdhjetë orë”, tha avokati. Ish-mbrojtësi i Barcelonës ka rënë dakord edhe për oraret e vizitave për të vizituar dy djemtë e tij në Miami.
m.b./dita
