Një ngjarje e rëndë është regjistruar në Kosovë, ku raportohet se babai ka vrarë me armë zjarri (kallash) djalin e tij.
Ngjarja ka ndodhur rreth orës 18:00 në fshatin Peran të Podujevës. Mediat kosovare raportojnë se Erdonit Ismajli është i riu që dyshohet se mbeti i vrarë nga babai i tij, Naim Ismajli.
Vrasja është konfirmuar edhe nga Policia e Kosovës, e cila njofton:
“Rreth orës 18:00, është raportuar për të shtëna me armë zjarri në fshatin Peran të komunës së Podujevës. Policia ka dalë në vendin e ngjarjes dhe mbështetur në të dhënat e para, bëhet e ditur se një person, ka humbur jetën si pasojë e plagëve të marra nga arma zjarrit. Vdekja e viktimës është konstatuar nga ana e mjekëve emergjent. Policia ka iniciuar një hetim me synim sqarimin e të gjitha rrethanave që karakterizojnë rastin”, ka shtuar Borovci.
a.m/dita
Babai vret djalin per token??!! Ku do shkoje me tutje? Pu pu pu pu cfare po i ndodh familjes njerezore. Makuteri e shkalles siperore.. Zoti na ruajt