Pas njoftimit të policisë për një konflikt me armë në qytetin e Rrëshenit, zbardhen detajet e para. Mësohet se Saimir Reçi, personi që u përfshi në konflikt, është nipi i Kastriot Reçit, i ekzekutuar më 7 janar të vitit 2020.
Saimir Reçi është përplasur fillimisht fizikisht me Enrik Bardhin i cili më pas ka shkuar në banesë të marrë armën dhe së bashku me të atin e tij kanë qëlluar me armë zjarri drejt makinës së Saimir Reçit, i cili më pas është aksidentuar pasi ka humbur kontrollin e mjetit.
Si ndodhi ngjarja?
Fillimisht janë përplasur fizikisht dy të rinj me njëri-tjetrin, e më pas babë e bir kanë qëlluar me armë zjarri në drejtim të makinës së Saimir Reçit, nipin e Kastriot Reçit të ekzekutuar në 2020. Gjatë largimit të këtij të fundit nga vendi i ngjarjes, për shkak të të shtënave me armë, ai ka humbur kontrollin e mjetit dhe është përplasur me bordurën rrugës.
m.b./dita
