Një 46-vjeçar është vënë nën hetim, pasi u kap duke transportuar me kamion, 16 m³ dru, të prerë në kundërshtim me ligjin.
Gjatë patrullimeve të kryera në zonë, Policia e Korçës ka goditur një të prerjes së pyjeve. B. P., banues në fshatin Shtyllë, u vu nën hetim pasi u kap në fshatin Gjergjevicë, duke transportuar me automjetin kamion tip “Benz”, dru zjarri pa dokumentacionin përkatës. Sasia e druve dhe automjeti, u sekuestruan në cilësinë e provës materiale. Po dje është goditur edhe një rast i veprimtarisë së prodhimit dhe shitjes së qymyrit të drurit, në kundërshtim me ligjin.
Policia Kolonjë ka vënë nën hetim një 56-vjeçar me iniciale E.G., pasi u kap duke djegur lëndë drusore të prerë në mënyrë të paligjshme, për prodhimin e qymyrit, jashtë kushteve teknike dhe pa leje mjedisore.
