Novak Gjokoviç shkaktoi reagime të mëdha me deklaratën e tij politike pas fitores së raundit të parë në Paris. Organizatorët e French Open tani po marrin parasysh një vendim që mund të shkojë në dëm të tenistit serb.
Në konferencën për shtyp që pasoi pas fitores ndaj Aleksandar Kovaçeviçit, 36-vjeçari serb pranoi se ishte në dijeni për reagimet që kishin nisur për fjalët “Kosova është zemra e Serbisë – ndalo dhunën” që ai shkroi në objektivin e kamerës dhe se ato kanë bërë që disa fansa të bëjnë thirrje për skualifikimin e tij.
Organizatorët e bëjnë të qartë se 22 herë fituesi i Grand Slamit është nën shqyrtim, raporton gazeta zvicerane “Blick”, përcjell KosovaPress. Federata Franceze e Tenisit (FFT), e cila organizon French Open, thotë se “nuk ka udhëzime zyrtare të Grand Slam-it se çfarë mund të thotë ose jo lojtari”.
o.j/dita
