Qeveria e Kosovës ka pranuar të lëshojë leje të përkohshme qëndrimi për 12 muaj për pjesëtarët e komunitetit serb, që nuk kanë dokumente të Kosovës, dhe t’i njohë kartat e identitetit të lëshuara nga autoritetet serbe- hapa këto që i zbusin pasojat e zbatimit të plotë të Ligjit për të huajt dhe për automjetet, që hyn në fuqi në 15 mars.
Sipas legjislacionit në fjalë, personat që nuk janë të pajisur me dokumente të Kosovës, do të duhet të marrin leje qëndrimi, ndërsa automjetet me targa të huaja nuk do të mund të qarkullojnë në rrugët e vendit për më shumë se tre muaj, ose në bazë të autorizimit.
Masat e reja lehtësuese për pjesëtarët e komunitetit serb vijnë pas takimit që kryeministri Albin Kurti zhvilloi në Prishtinë me përfaqësuesin e posaçëm të Bashkimit Europian për dialogun Kosovë-Serbi, Peter Sorensen si dhe shefin e Zyrës së BE-së në Kosovë, Aivo Orav. Orav pohoi se gjatë javës së fundit kanë pasur diskutime intensive me Kurtin, derisa u pajtuan për masat shtesë.
“Shpresojmë që të gjitha çështjet vendore të zgjidhen sa më shpejt që të jetë e mundur në mënyrë që të ecim përpara me procesin e integrimit në BE. Në takim. U përqendruam së pari te zbatimi i plotë i Ligjit mbi të huajt. Diskutuam që zbatimi të fillojë nga nesër. Kemi pasur bisedime intensive gjatë javës së fundit dhe sot është arritur pajtimi i zbatimit të Ligjit për të huajt me disa masa shtesë, e sidomos kur bëhet fjalë për regjistrimin e banorëve serbë të Kosovës dhe personave me leje qëndrim të përkohshëm”-u shpreh Aivo Orav, shef i Zyrës së BE-së në Kosovë.
Zbatimi i plotë i Ligjit për të huajt dhe për automjetet është kundërshtuar nga pjesëtarët e komunitetit serb në Kosovë, përfaqësuesit e tyre politikë dhe sektori civil, të cilët argumentojnë se një gjë e tillë do të ndikojë negativisht te komunitetet pakicë, si dhe te sektorët e shëndetësisë dhe arsimit që veprojnë brenda sistemit të Serbisë në mjediset me shumicë serbe. Kjo, për faktin se masat do të preknin pjesëtarët e komunitetit serb që nuk kanë dokumente të Kosovës, por jetojnë, punojnë ose studiojnë në Kosovë.
j.l./ dita
Po 27 Ha toke ja dha Manastirit te Decanit ne Toke shqiptare,Kartat serbe te Identitetit i njohu..Energjine elektrike nuk e paguajne,.Cfare Republika serbcka?Keta jane kaluar Republika serbcka! Keto kushte nuk i kane serbet as ne Beograd.
Me keto privilegje gjithe serbet e Serbise do vijne te jetojne ne Mitrovice.
Ooo Albin Kurti,leri inatet mes Nesh,,jepja Presidentin Opozites dhe Formo Qeverrine,se po na iken Kosova.
Njeriu më i gëzuar duket që është Vuciç dhe Rama,e shpalliën edhe publikisht.
Epo , tani që i shkroi demua Albinit , mbaroi kjo punë , u ndreq . Albin bylmezi mezi pret këshillat e demos . Demo , së shpejti krijohet associacioni i komunave serbe , zajdenicat , pastaj largohet kontingjenti amerikan nga Kosova , ka thënë Trumpi , ndërsa Sërbia po pajiset me armët më moderne të kohës ….e ç’të të them tjetër o demo , plot të mira e presin Albinin dhe Kosovën .