Qytetarët e Kosovës sot, më 7 qershor i drejtohen kutive të votimit për të zgjedhur përfaqësuesit e tyre në zgjedhjet e parakohshme për Kuvendin e Kosovës. Sipas të dhënave të certifikuara nga Komisioni Qendror i Zgjedhjeve, të drejtë vote në këto zgjedhje kanë 2,092,174 qytetarë, ndërkaq për herë të parë do të votojnë 22,685 qytetarë të rinj.
Procesi zgjedhor zhvillohet në 949 qendra të votimit me gjithsej 2,550 vendvotime në të gjithë Kosovën.
Në garë marrin pjesë 22 parti politike dhe tre koalicione parazgjedhore.
Vetëvendosja garon në koalicion me Guxo, Alternativën dhe Partinë Shqiptare Demokristiane, ndërsa PDK-ja, LDK-ja dhe AAK-ja konkurrojnë të vetme.
Pjesë e kësaj gare është edhe ish-presidentja e vendit, Vjosa Osmani, e cila i prin listës për deputetë të LDK-së, partisë ku ishte pjesë përpara mandatit presidencial.
E vetme garon edhe Lista Serbe, partia më e madhe e serbëve të Kosovës, e cila mbështetet nga Beogradi zyrtar.
Një ditë më parë ka votuar diaspora në përfaqësitë diplomatike të Kosovës. Sipas të dhënave zyrtare, nga 27.724 votues të regjistruar jashtë vendit kanë votuar 22.414 qytetarë, ose 80.85% e tyre.
Procesi është zhvilluar në 30 përfaqësi diplomatike, përfshirë ambasada dhe konsullata në Evropë, SHBA dhe Kanada.
Zgjedhjet po ndiqen me interes edhe nga Bashkimi Evropian, i cili ka kërkuar krijimin e institucioneve të qëndrueshme për të çuar përpara reformat dhe procesin e integrimit evropian.
j.l./ dita
Po zgjedhjet tjera kur do te behen ne Kosove!?Pjesmarrja e ulet e votuesve kosovar,e shtron kete pyetje!?
Media e beri detyren e percarjes !
Ne kemi hall me nje Monster,qe po shet Atdheun.Keta kane halle lluxi,halle budallalleku,se nuk u dalin 51% e votave per te emeruar Presidentin.E kane Presidentin me 90%.Sa te beni zgjedhje cdo muaj,Ndryshoni kushtetuten dhe beni Zgjedhje Presidencjale.E thjeshte fare.Keta tanet e ndryshojne kushtetuten cdo jave me Dy qelbesira,Pa zgjedhje fare.Si tuy teket qelbesirave,,ne Parlament bashkojne votat,jo vetem per zgjedhjet me lista,jo vetem per rritjen e rrogave,lejet strategjike,por edhe per te mos dorzuar hajdutet ne Drejtesi..
Po mesoni o budallenj,nga RAMA N`BURG,BERISHA N`BURG,se do ti vini zjarrin shtepise.