Pas deklaratës së presidentit kontravers kroat, Zoran Milanoviç, i cili tha se “perëndimi e ka aneksuar Kosovën prej Serbisë”, reagime të shumta dhe kritika janë përcjellë edhe në Kroaci.
Një prej tyre, kryeministri i Kroacisë, Andrej Plenkoviç e ka kundërshtuar këtë deklaratë duke u shprehur se Kroacia e ka njohur Kosovën dhe se është shtet sovran, duke treguar distancim nga deklarata e Milanoviç.
“Sa jam unë në dijeni askush nuk e ka aneksuar Kosovën. Asnjë shtet. Kosova është shtet i pavarur të cilin e ka njohur Kroacia. Aneksim është kur Rusia okupon territor të Ukrainës, organizon referendum të rrejshëm dhe ia bashkon ato pjesë Rusisë. Kosova është shtet i pavarur, sovran, që e kemi njohur. Askush nuk e ka aneksuar“, tha kryeministri i Kroacisë, Andrej Plenkoviç.
