KQZ i jep mandatin Nebiajt dhe Dodës, vendoset shpërblimi për komisionerët dhe numëruesit për zgjedhjet lokale

Komisioni Qendror i Zgjedhjeve u ka dhënë mandatin dy deputetëve më të ri të Kuvendit të Shqipërisë, Oriela Nebiaj dhe Petrit Dodës.

Konkretisht Oriela Nebiaj lë botën e televizionit për të hyrë në Kuvend, pasi mandati u la bosh pas dorëheqjes së Grida Dumës.

Duket se Nebiaj dhe Duma kanë ndryshuar vendet, pasi Nebiaj futet në politikë, ndërsa Duma u angazhua në televizion.

Ndërkohë Petrit Doda në qarkun e Tiranës, zëvendëson deputetin Alfred Rrushaj pas dorëheqjes së këtij të fundit.

Komisioni Qendor i Zgjedhjeve miratoi skemën e shpërblimit të Komisionerëve dhe numëruesve për zgjedhjet lokale të 14 majit 2023.

Kryetarët dhe zëvendëskryetarët e komisioneve shpërblehen sipas qendrave të votimit që kanë në juridiksionin e tyre.

Anëtari i KZAZ-së shpërblehet në vlerën 60.000 (gjashtëdhjetë mijë) lekë, nga momenti i konstituimit të saj deri në shpalljen e rezultatit përfundimtar të zgjedhjeve.

Kryetari i Komisionit të Qendrës së Votimit (KQV) shpërblehet në vlerën 4.000 lekë.

Anëtari dhe Sekretari i KQV-së shpërblehet në vlerën 3.500 (tridhjetë e pesë mijë) lekë.

Anëtari i Grupit të Numërimit të Votave (GNV) shpërblehet në vlerën 6.000 (gjashtë mijë) lekë.

Po ashtu, Komisioni Qëndror i Zgjedhjeve ka miratuar plotësimin e vakancave në Këshillat e Bashkive në Tiranë, Gramsh, Skrapar dhe Devoll.

j.l./ dita