Dhënia e anonimitetit të një shqiptari të dënuar për vrasje, i cili ka kërkuar azil për të mbrojtur sigurinë e tij, ka krijuar polemika të shumta në Mbretërinë e Bashkuar.
Një gjykatës e ndaloi “The Sun” të identifikonte personin, fajtor për krime të tmerrshme, përfshirë vrasjen.
Prestigjiozja “The Sun” shkuan se shtetasi shqiptar i moshës së mesme mbërriti me varkë në Britani pasi kreu një dënim për vrasje dhe vepra të tjera “shumë të rënda” në vendin e tij.
Por, një gjykatës vendosi se identiteti i tij duhet të mbahej i fshehtë “për hir të sigurisë së tij”, pasi ai pretendoi se ishte në rrezik nga mafiozët rivalë.
Deputeti konservator David Morris tha: “Është një vendim i egër që tregon përbuzje për qytetarët britanikë.
“Pse të mbrohet ‘siguria’ e një krimineli karriere, i cili është dënuar për vrasje, i cili nuk ka të drejtë të jetë këtu?
Deputeti tjetër i konservatorëve, Philip Davies tha: “Publikimi i identitetit dhe krimeve të tij është qartësisht në interesin publik.”
Gjykatësi Nicholas Aldridge, 51 vjeç, i ulur në një qendër dëgjimore të Tribunalit, vendosi që asgjë nuk duhet të publikohet, e që mund të identifikojë “drejtpërdrejt ose tërthorazi” mashtruesin, duke përfshirë listën e tij të krimeve.
Një zëdhënës i Ministrisë së Brendshme tha: “Është një shembull tjetër tronditës se pse ne duhet të ndalojmë anijet”
The Sun bën me dije se ka nisur një apel kundër vendimit të anonimitetit. Shqiptari mbetet në paraburgim në një qendër imigracioni dhe së shpejti pritet të merret një vendim nëse ai do të dëbohet nga vendi.
p.k\dita
