Këshilli i Lartë Gjyqësor ka pranuar këtë të martë kërkesën e Inspektorit të Lartë të Drejtësisë për procedim disiplinor me masën “Shkarkim nga detyra” për magjistraten Mimoza Margjeka me detyrë gjyqtare pranë Gjykatës së Rrethit Gjyqësor Durrës.
Në seancën dëgjimore, inspektorët e ILD konkluduan se magjistratja është gjetur fajtore nga Gjykata e Posaçme e Shkallës së Parë për Korrupsionin dhe Krimin e Organizuar dhe Apeli, për veprime, të shkallës më të rëndë, siç janë aktet korruptive të lidhura me ushtrimin e funksionit të gjyqtares, e që përbëjnë vepër penale.
Ushtrimi i parregullt i detyrës nga ana e magjistrates, si dhe për vetë natyrën e faktit penal të konsumuar, ka sjellë pasoja për dhënien e drejtësisë, ka diskredituar rëndë figurën, autoritetin, dinjitetin si dhe është dëmtuar rëndë besimi i publikut te magjistrati dhe organet e drejtësisë, të gjitha shkelje shumë të rënda disiplinore për të cilat ILD kërkoi masën e shkarkimit nga detyra, që u pranua nga Këshilli i Lartë Gjyqësor.
Disa muaj më parë, Gjykata e Posaçme e Apelit e dënoi ish-gjyqtaren e Apelit, Mimoza Margjekën, për akuzën e “korrupsionit” me 3 vjet “Shërbim Prove”.
Margjeka akuzohet për korrupsion, pasi nga përgjimet e Prokurorisë së Posaçme rezultoi se, Margjeka ka marrë 6000 euro në këmbim të nxjerrjes së Orion Balit nga qelia kundrejt “garancisë pasurore”.
Së bashku me Margjekën në atë kohë SPAK mori nën hetim edhe bashkëshortin e gjyqtares, Arben Cara, avokatin e Orion Balit, Skënder Demiraj, vëllanë e të pandehurit Nejton Balin dhe sekserin Klaudjo Zhilla.
j.l./ dita
E çër domethon “shkarkohet”? Jo për gjo po mileti shkarkohet pas çdo vakti dhe asnjoni nuk pezullohet as nga detyra dhe as ndëshkohet me tre vjet “shërbim pordhe”.
Ore, që të dobësohet sistemi i padrejtësisë, “dardhangrënsja” duhet detyrimisht të pagojë dëmshpërblimin. Dëmshpërblim dhjetra fish ndaj shtetit që mos t’i shkojë më mendja gjyqtari të korruptuar të shpërdorojë detyrën.
Kjo qe thoni ju “sherbim prove”, eshte mase ekstreme, dhe quhet diktature!