Një ngjarje e rëndë është shënuar mesditën e kësaj të marte në Durrës, ku djali Marjan Kodheli ka vrarë me thikë babain 69-vjeçar Pjetër Kodheli.
Burime nga policia bëjnë me dije se djali vuan nga probleme mendore.
69-vjeçari ka ndërruar jetë teksa po transportohej për në spital.
Ndërkohë, djali pas krimit ka arritur të largohet ndërsa policia po punon për kapjen e tij. Policia ka rrethuar zonën ndërsa nuk dihen ende rrethanat e plota të ngjarjes.
Sipas burimeve, djali ka shfaqur edhe më parë sjellje agresive.
Njoftimi zyrtar:
Rreth orës 13:00, shtetasi M. K., 25 vjeç, dyshohet me probleme të shëndetit mendor, ka vrarë me mjet prerës (thikë), babanë e tij, shtetasin P. K., 69 vjeç, në banesën e tyre, në fshatin Shkallnur.
Shërbimet e Policisë, menjëherë pas njoftimit, kanë shkuar në vendngjarje, kanë rrethuar zonën dhe po kryejnë kontrolle intensive, me qëllim kapjen e 25-vjeçarit.
Ndërkohë, grupi hetimor po punon për zbardhjen dhe dokumentimin e rrethanave të rastit.
j.l./ dita
