Polonia përkujtoi të mërkurën 80-vjetorin e kryengritjes së hebrenjve të getos së Varshavës kundër trupave naziste.
Më 19 prill të 1943-shit, disa qindra luftëtarë hebrenj sulmuan nazistët, duke zgjedhur të vdisnin duke luftuar me armë në duar sesa duke pranuar dhomat e gazit. Presidentët e Izraelit, Gjermanisë dhe Polonisë morën pjesë në një ceremoni në Monumentin e Heronjve.
“Unë ndiej përgjegjësi për krimet e së kaluarës dhe po ashtu për të ardhmen tonë të përbashkët”, tha Frank Walter Steinmeier, president i Gjermanisë
Getoja e varshavës u krijua nga gjermanët një vit pas pushtimit të Polonisë në 1939-n. Në thuajse tre kilometra katrorë, nazistët vendosën rreth gjysmë milion hebrenj, me qëllim që t’i shfarosnin ata duke i lënë të vdisnin nga uria dhe sëmundjet, apo duke i dërguar në kampet e vdekjes në Treblinka. Gjermanët e shtypën kryengritjen dhe i vunë zjarrin lagjes.
o.j/dita
