Të tjera detaje tronditëse ka zbardhur policia e Durrësit për krimin e rëndë në familje, ku tre fëmijët në bashkëpunim me njëri-tjetrin kanë vrarë babain e tyre, Pëllumb Meta.
Ngjarja e rëndë ka ndodhur 10 ditë më parë në fshatin Shën Vlash të Durrësit, ku autor ka qenë djali i madh, Hysen Meta 24 vjeç, ndërsa në krim kanë bashkëpunuar vajza, Hygerta Meta dhe djali tjetër, Amarildo Meta.
Tre fëmijët pasi kanë kryer krimin në një nga dhomat e shtëpisë, e kanë transportuar trupin e të atit në një kasolle në ambientet e jashtme të banesës, ku edhe e kanë groposur për të fshehur ngjarjen.
Më pas, djali i madh shkoi në polici për ta denoncuar si të zhdukur.
Pasi u arrit të zbulohej se nuk bëhet fjalë për zhdukje, por për një krim, policia tha se në banesë u gjet edhe një predhë e armës së zjarrit me të cilën ishte kryer krimi.
Në polici, autorët kanë deklaruar se motivi i vrasjes kanë qenë debatet familjare që kanë pasur dhe nxitja e babait që vajza e tij të fejohej me një person kundër dëshirës së saj.
Të tre fëmijët tashmë janë vënë në pranga, ndërsa nëna e tyre, Blerina Meta është në hetim në gjendje të lirë.
j.l./ dita
Ka dicka qe familja mbylli nje enigme,kuptohet lidhur me parate.Moralin jo,fejesa jo,.Familje e zhytur ne mut.Po u ngaterove me krundet te hane pulat,thote populli.
Dita,c’fare doli nga vrasje qe babai I vajzes ndaj personit ne greqi qe I bente presion 18 vjecares .?Serioziteti I nje Gazette eshte kur e shpie ceshtjen deri ne fund.
Kjo ngjarje të shokon rëndë. Një krim kaq makabër brenda një familje është i pabesueshëm. Kjo ngjarje ka tronditur të gjithë shpirtrat njerëzor në këtë vend. Kjo ngjarje është si një tërmet i fuqishëm, eshtë një plagë e dhimbshme që tronditi themelet e shoqërisë. Nuk e traumatizoj, por qeliza e shoqërisë, familja, po shthuret. Kjo nuk duhet të shihet si rast por si një problem i shoqërisë sonë. Ky rast të shërbej në të gjithë shoqërinë dhe institucionet tona për të nxjerrë konkluzione për edukimin dhe mirëfomimin qytetar të njërëzve. Ky problem është problem alarmant i shoqërisë sonë dhe duhet trajtuar si i tillë.