Nju Jorku është veshur kuqezi dje teksa komuniteti shqiptar në Amerikë ka organizuar ceremoninë për nder të 110-vjetorit të Pavarësisë.
Në një prej shesheve kryesore të Nju Jorkut, kryebashkiaku Eric Adams dhe kryetari i Federatës Pan-Shqiptare e Amerikës “Vatra”, Elmi Berisha kanë ngritur në mënyrë simbolike flamurin kuqezi.
Teksa mori fjalën në ceremoni kryebashkiaku Adams bëri simbolin e shqiponjës me duar, çka u pasua nga duartrokitje nga të ftuarit e pranishëm.
“Nuk mund të ishit këtu për një ceremoni të flamurit, pa ngritur edhe ne flamurin tonë. Aktualisht, djali im është në Shqipëri, për të performuar dhe treguar talentin e tij. Kështu që ai më ka bërë me dije që unë nuk jam i vetmi që kam talent”, tha qytetari i parë i Nju Jorkut.
“Çfarë komuniteti! Ky komunitet ka shumë rëndësi për mua. Mbështetja juaj, fokusi, disiplina, drejtuesit e bizneseve të vogla. Ju besoni tek siguria publike. Ju besoni tek familja, ju besoni tek arsimimi dhe ju besoni në patriotizmin që përqafon vendin ku keni ardhur, teksa doni vendin tuaj, Shqipërinë. i vetmi vend në botë që ju themi t’i përbaheni kulturës suaj teksa vini këtu dhe e shkrini atë me eksperiencën amerikane. Jam i lumtur që jam këtu me zëvendësin, komisionerin tim, zyrën e çështjeve të emigrimit, komisionerin tim të çështjeve ndërkombëtare, Komisionerin Mermanstein dhe ne duam gjithashtu të vlerësojmë ambasadorin e Shqipërisë këtu znj. Faber. Mirësevini në kryeqytetin shqiptar të Amerikës. Jemi krenarë që kemi popullatën më të madhe shqiptare jashtë Shqipërisë”, u shpreh kryebashkiaku Adams.
Gjatë ceremonisë, Adams ka marrë si dhuratë nga kryetari i “Vatrës” edhe një pikturë të Heroit tonë Kombëtar, Gjergj Kastriot Skënderbeu dhe një portret të Nënë Terezës.
j.l./ dita
