Një shkrimtar 71-vjeçar sllovak i quajtur Juraj Tsintula është sipas mediave vendase, autori i ngjarjes së ndodhur në qytetin Hadlova, ku ai tentoi të vriste kryeministrin e vendit Robert Fico, duke e qëlluar disa herë me armë.
Sipas raportimeve, Tsintula ka bërtitur në drejtim të Fico-s teksa ky i fundit po fliste me mbështetësit e tij dhe kur i është afruar për t’i dhënë dorën, ka hapur zjarr.
71-vjeçari është një nga themeluesit e klubit letrar DÚHA, i hapur në vitin 2005. Deri në vitin 2016 ka qenë president i klubit. Që nga viti 2015 është anëtar i Shoqatës së Shkrimtarëve sllovakë.
Tsintula thuhet se kishte në pronësi të ligjshme armën të cilën e përdori për të shtënë në drejtim të kryeministrit sllovak. Ai u arrestua menjëherë pas incidentit të përgjakshëm.
Për median lokale Aktuality.sk ka folur djali i shkrimtarit, i cili ka thënë se është i tronditur nga ngjarja.
“Unë nuk kam absolutisht asnjë ide se çfarë po bënte babai im, çfarë po planifikonte dhe pse ndodhi e gjithë kjo. Ai është i fortë, por nuk kishte qenë ndonjëherë në një psikiatër apo diçka e tillë”, tha ai.
Kur u pyet nëse i ati ka shprehur më parë ndjenja urrejtje ndaj kryeministrit Fico, ai u përgjigj: “Unë do t’ju them kaq, ai nuk e votoi atë. Kaq mund të them”.
n.s. / dita
Qeka dhe i pushkes dhe i penes.
T marin shembull keta intelektu-halet tona qe ngelen duke u lepire pas lekut
Me vjenkeq per Ramen se e paska pasur mik!Nuk e kuptoj ky Rama eshte me Ameriken apo Rusine ? Si spjegohet qe ky ka miq te gjithe ata qe jane miq me Putinin! Si eshte ajo formula : Miku i mikuttim eshte miku im. Kjo trgon se edhe Putin duhet te jete mik i Rames po qe se kjo formule eshte e vertete.
Ishalla te sherohet shpejte dhe te kete shpetuar nga jeta. zoti e ndimofte