Zhvillime të reja nga lufta në Ukrainë.
Presidenti rus, Vladimir Putin ka zhvilluar sot një takim me zyrtarët më të lartë të sigurisë ruse pas rebelimit të armatosur nga grupi ushtarak privat Wagner në Rusi fundjavën e kaluar.
Në takim morën pjesë ministri i Mbrojtjes Sergei Shoigu, kreu i shërbimit të sigurisë së FSB-së, Aleksandër Bortnikov dhe kreu i Gardës Kombëtare, Viktor Zolotov.
Për situatën e krijuar në Rusi, Putin ka akuzuar Perëndimin se kërkon që rusët të vrasin njeri-tjetrin.
Në fjalimin e tij të parë drejtuar kombit që kur rebelët u tërhoqën, Putin tha se ai kishte lëshuar urdhra për të shmangur gjakderdhjen dhe kishte dhënë amnisti për luftëtarët e Wagnerit, rebelimi i të cilëve shërbeu si një nga sfidat më të mëdha për sundimin e tij në dy dekada.
Vladimir Putin kritikoi organizatorët e rebelimit nga grupi Wagner duke i quajtur “tradhtarë”. Udhëheqësi rus tha se organizatorët gënjejnë njerëzit e tyre dhe “i shtynë ata drejt vdekjes, nën zjarr, për të qëlluar njerëzit e tyre”, duke iu referuar luftëtarëve të Wagner-it për sulmin në qytetin jugor të Rostovit, të cilin ata e pushtuan përkohësisht në rrugën e tyre drejt Moskës.
Putini ftoi ushtarët e Wagner-it dhe komandantët e tyre, të cilët ai i quajti “patriotë”, të bashkohen me ushtrinë duke nënshkruar kontrata me Ministrinë ruse të Mbrojtjes ose me agjenci të tjera të zbatimit të ligjit. Ai gjithashtu u dha atyre mundësinë të ktheheshin te familjet dhe miqtë e tyre nëse dëshironin ose të transferoheshin në Bjellorusi.Udhëheqësi rus nuk përmendi shefin e Wagner-it, Yevgeny Prigozhinin, i cili udhëhoqi revoltën. Megjithatë, ai tha se organizatorët e këtij rebelimi tradhtuan “vendin , popullin e tyre, tradhtuan ata që u tërhoqën në krim”.
Ai tha gjithashtu se përmes kësaj revolte, organizatorët u dhanë armiqve rusë atë që dëshironin – “që ushtarët rusë të vrisnin njëri-tjetrin, në mënyrë që personeli ushtarak dhe civilët të vriteshin, që në fund Rusia të humbiste … të mbytet në një përleshje të përgjakshme civile”.
Putini tha gjithashtu se ai kishte lënë qëllimisht rebelimin 24-orësh të së shtunës nga milicia e Wagner-it të vazhdonte aq gjatë për të shmangur gjakderdhjen dhe se kjo kishte përforcuar unitetin kombëtar.
“Duhej kohë, ndër të tjera, për t’u dhënë atyre që kishin bërë gabim një shans për të ardhur në vete, për të kuptuar se veprimet e tyre ishin refuzuar me vendosmëri nga shoqëria dhe se aventura në të cilën ishin përfshirë ishte tragjike dhe shkatërruese, me pasoja për Rusinë dhe për shtetin tonë”, tha ai.
Putin akuzoi Ukrainën dhe aleatët e saj perëndimorë se duan që rusët të vrasin njëri-tjetrin pas revoltës nga mercenarët e grupit Wagner.
Në fjalimin e tij të parë drejtuar kombit që kur rebelët u tërhoqën, Putin tha se ai kishte lëshuar urdhra për të shmangur gjakderdhjen dhe kishte dhënë amnisti për luftëtarët e Wagnerit, rebelimi i të cilëve shërbeu si sfidën më të madhe për sundimin e tij dy dekadash, shkruajnë mediat e huaja.
“Që nga fillimi i ngjarjeve, me urdhërin tim u ndërmorën hapa për të shmangur gjakderdhjen në shkallë të gjerë,” tha Putin në një fjalim televiziv, duke falënderuar rusët për “patriotizmin” e tyre.
“Ishte pikërisht kjo vëllavrasje që dëshironin armiqtë e Rusisë: si neo-nazistët në Kiev, ashtu edhe klientët e tyre perëndimorë, dhe lloj-lloj tradhtarësh kombëtarë. Ata donin që ushtarët rusë të vrisnin njëri-tjetrin,” tha Putin.
Presidenti i Shteteve të Bashkuara, Joe Biden deklaron se Uashingtoni dhe NATO-ja nuk kanë pasur asnjë përfshirje në kryengritjen e armatosur kundër Kremlinit të nxitur nga Yevgeny Prigozhin, udhëheqësi i Grupit Wagner të mercenarëve.
“Ne e bëmë të qartë se nuk ishim të përfshirë, nuk kishim asnjë lidhje me të. Kjo ishte pjesë e një lufte brenda sistemit rus. Ne do të vazhdojmë të vlerësojmë pasojat e ngjarjeve të kësaj fundjave dhe implikimet për Rusinë dhe Ukrainën. Por është ende shumë herët për të arritur një përfundim përfundimtar se ku po shkon kjo”, tha Biden.
j.l./ dita
