Drejtori i Policisë vendore të Lezhës, Alfred Elezi, është prononcuar për atentatin ndaj Nikolin Lestakajt, i cili ishte duke dalë nga marketi. Policia thotë se dyshohet për hakmarrje.
“Sot rreth orës 18:30 morëm njoftimin që u vra Nikolin Marku Lestakaj. Nga shërbimet e policisë është ngritur grupi hetimor dhe në koordinim plotë plotë me prokurorinë po punohet për rastin dhe identifikimin e autorit. Jemi ende në hetim. Dyshojmë për hakmarrje ose gjakmarrje. Po sigurojmë të gjitha provat”, thotë kryepolici.