Makina e kreut të Njësisë Administrative Piskovë, Juxhin Pasho, në rrethin e Përmetit, është dëmtuar qëllimisht gjatë natës, duke zbardhur dita e djeshme. Kjo gjë është zbuluar nga vetë zyrtari vendor, që zbuloi gërvishtjet e qëllimshme në mjet, e që janë bërë me mjete të mprehta.
Ngjarja ka ndodhur brenda territorit të shtëpisë së tij dhe për këte gjë, ka njoftuar menjëherë policinë, për ta vënë në dijeni me situatën. Pasho u ka kërkuar uniformave blu zbardhjen e ngjarjes dhe zbulimin e autorëve, teksa nuk ka ende persona të identifikuar.
Dyshohet se ky sulm është bërë si paralajmërim, e për shkak të detyrës.
