Sonte në mbrëmje, Syri TV publikoi një intervistë me një shtetas italian, të quajtur Gabriele Tarroni Longinotti, ndërsa ky i fundit në intervistën e dhënë për emsionin “Piranjat”, ka dëshmuar sesi ish ortaku i tij, i quajtur Alberto Presezzi, ishte implikuar nga disa skema, për blerje materialesh incerenatorësh të dorës së dytë në Rumani.
Sipas dëshmisë së italianit të dhënë për Syri TV, ai personalisht thotë se është takuar me Veliajn në të paktën dy raste dhe sipas tij Veliaj, bashkë me ortakun e tij, po kurdisnin, blerjen e incerenatorit të vjetëruar. Dëshmitari Longinotti, nuk paraqiti ndonjë evidencë që mund të mbështeste djenitë dhe deklarimet e bëra në Syri TV, madje ai fsheu dhe faktin se është dënuar në Tiranë për një mashtrim mbi shumën mbi 700 mijë euro, në dëm të ish ortakut të tij. Nga një verifikim i thjeshtë në “Google” me emrin e Longinottit, rezulton se për të është raportuar në media në disa raste, ku rezulton se ai ka bërë biznes mishi me një nga indrustialistët e incerenatorëve në itali, por asnjëherë s’është marrë me ta, por vetëm me biznes mishi nga Amerika Latine.
Emri i dëshmitarit në fjalë, rezulton në disa shkrime shqip dhe të huaja, si një person i kallëzuar disa herë, për falsifikime dhe grabitje nëpërmjet mashtrimit. Pak kohë më parë, dëshmitari italian, iu drejtua gazetarit Fatos Mahamutaj, i cili jeton në Belgjikë, duke iu ofruar, dëshminë e tij, në këmbim të ndihmave dhe kombinacioneve të llojeve të ndryshme.
Mësohet se i njëjti dëshmitar, është vetëofruar në disa televizione si dëshmitar, duke pretenduar se di skandale të mëdha dhe pse ai nuk posedon asnjë dokument apo evidencë në mbështetje të dëshmisë së tij, por vetëm synon të sulmojë ish-ortakun e vet italian, i cili po e ndjek ligjërisht për grabitjen e 700 mijë eurove./ Hashtag. al
